40-vjeç, por Zlatan Ibrahimovic nuk di të ndalet. Sulmuesi suedez realizoi një tjetër super gol nga goditja e dënimit kundër Xhenoas. Menjëherë pas mbylljes së takimit, atje ku u fitua me shifrat 0-3, Ibrahimovic ka ngacmuar drejtuesit duke kërkuar zgjatjen e kontratës.
“Jam shumë i lumtur për golin, por më tepër për trajnerin Pioli. Kjo është e gjitha shumë e bukur, unë po kënaqem me këta djem, por tani është koha që të kënaqem me kontratën time. Arsyeja? Unë po luaj, po shënoj gola, po ndihem mirë, prandaj e kuptoni vetë”, tha suedezi. /Sport Ekspres/