Xherdan Shaqiri arriti një tjetër hap të madh në karrierë, pasi prej 5 ditësh është bashkuar me skuadrën e Liverpul. Mesfushori, i cili aktivizohet me përfaqësuesen e Zvicrës bëri një debutim të shkëlqyer, duke shënuar gol vetëm pas 4 ditësh me ekipin, çka ka tërhequr dhe vëmendjen e të gjithëve.
Mënyra e realizimit nuk ishte e zakontë, edhe pse Shaqirin e kemi parë shpesh që të provojë në atë stil. Vetë lojtari shprehet i lumtur për golin e shënuar, por jo i befasuar për mënyrën e realizmit, duke u shprehur se ai i preferon shumë këto lloj golash dhe ka shënuar dhe në të shkuarën.
“Unë mendoj se kam mësuar të bëj të tillë gola! Kam shënuar shumë herë në këtë mënyrë, pasi më pëlqen futja në stilin e biçikletës. Unë trajnohem shumë për këtë stil”.
“Topi ishte i përsosur dhe nuk kisha pse të mos e provojë. U përpoqa dhe shënoja një gol shumë të bukur”.