Një vit të kyçur dhe sa më larg syve kuriozë të mediave. Një vit për të punuar pa zhurmë dhe për ta rikthyer klubin në nivelet që i takojnë dhe që tifozët presin.
Tirana nis këtë të hënë përgatitjet për sezonin e ri, me drejtuesit e klubit dhe trajnerin që kanë vendosur rregulla të reja. Në rikthimin në elitë bardheblutë do të kufizojnë në maksimum aksesin e mediave.
Stërvitja e parë e edicionit, në orën 17:00 në kompleksin stërvitor “Skënder Halili” do të jetë e hapur për mediat vetëm në 10 minutat e para. Rituali do të përsëritet vetëm dy herë në javë, prej këtij momenti e në vazhdimësi të sezonit.
Trajneri Ze Maria kërkon që skuadra të punojë sa më e qetë dhe larg vëmendjes, ndërsa dy herë në javë pritet të ketë edhe dalje publike për mediat. Te Tirana e sezonit të ri kërkojnë të flasin më tepër në fushë. Kjo është mënyra për të rikthyer lavdinë.