Shënoi një gol por nuk është se pati vlerë. Në fund të ndeshjes, megjithtaë, Odise Roshi u shpreh i pashqetësuar për “Supersport”. “Një humbje që nuk e prisnim, por futbolli i ka këto. Ka edhe kombëtare më të mëdha që janë mundur në ndeshje të tilla, me rivalë si Luksemburgu. Skuadra nuk është e plotë, përveçse disa lojtarë vijnë nga një fundsezoni i ngarkuar. Shënuam të parët, mund të shënonim sërish, ndërsa pësuam gola aksidentalë. Gjithsesi, tani e kemi mendjen te Izraeli, pasi ajo është ndeshje shumë më e rëndësishme. Humbja ndaj Luksemburgut është e pranueshme, mund të ndodhë. De Biazi? Ende nuk kemi biseduar”, u shpreh Odise Roshi.