Kristiano Ronaldo ka nënshkruar një kontratë marramendëse në Arabinë Saudite, ku do të përfitojë 200 milionë euro në vit. Nisur nga mosha 37-vjeçare e yllit portugez, shumë kanë menduar se tashmë marrëdhënia e tij me nivelin e lartë të futbollit ka përfunduar tashmë. Por kontrata e tij me Al Nassr-in flet të kundërtën.
“Marca“ ka zbuluar se ekziston një klauzolë e veçantë e cila e lejon Ronaldon të kthehet në Premier League. Nëse Newcastle United arrin të sigurojë pjesëmarrjen në Champions League, atëherë Ronaldo do të huazohet te bardhezinjtë. Newcasle është në pronësi të princit të kurorës së Arabisë Saudite dhe aktualisht mban vendin e 3-të në renditje në Premier League./Sport Ekspres/