“Hidhi një gur të madh dhe Leo Mesi do ta qetësojë për ta ulur në tokë”! Kështu është shprehur Di Maria që e ka vlerësuar afrimin e ri të PSG. Ylli argjentinas është ngritur në qiellin e shtatë, ndërsa sipas Di Marias vlen më shumë se Kristiano Ronaldo. Kur diskutohet mbi portugezin, thuhet se sulmuesi i Juventusit do të v.diste vetëm për të qenë me më të mirët te PSG.
“Cristiano Ronaldo do të vd.iste vetëm për të qenë tani te PSG. Cilësia dhe sasia e lojtarëve që PSG ka aktualisht është diçka unike. Nuk ndodh shpesh në klube dhe lojtarët e mëdhenj gjithmonë duan të jenë me më të mirët. Cristiano me siguri do të donte të ishte këtu, por ata sollën Messin, kështu që është shumë më mirë tani. Messi është kategoria tjetër. Hidhi atij një gur të madh dhe ai do ta qetësojë për ta ulur në tokë lehtë. E bën atë si të mos jetë asgjë, mendon më shpejt se të tjerët. Unë kurrë nuk kam parë diçka të tillë më parë.
Kam luajtur me Cristiano, Neymar, Mbappe, Rooney, Van Persie, Ibrahimovic, Benzema, Bale dhe sinqerisht nuk kam parë diçka të tillë. Leo është diçka tjetër, unike. Unë mendoj se Messi do të jetë më mirë këtu sesa në Katalonjë. Me pritjen që i kanë bërë, e kuptoi se çfarë do të thotë kjo aventurë. Njerëzit do të vijnë në çdo seancë stërvitore dhe ndeshje”, ka thënë Di Maria. /Sport Ekspres/