Negociatat për transferimin e Granit Xhakës kanë arritur në një pikë ku po duket i vështirë përparimi më tej drejt firmës në kontratë. Shkak për këtë janë bërë paratë. Arsenali kërkon plot 25 milionë euro për të lënë të lirë mesfushorin shqiptar, por një shifët e tillë duket e ekzagjeruar nga Roma. Këta të fundit janë të gatshëm të ofrojnë deri në 15 milionë euro.
Verdhekuqtë kanë hyrë në një luftë me kohën, prandaj edhe i kanë vendosur afat “topçinjve”. Sipas “Corriere dello Sport”, Roma do të presë për një përgjigje pozitive deri në datën 15 korrik. Pas kësaj date drejtuesit e klubit italian do të shqyrtojnë edhe alternativa të reja në merkato për të plotësuar mesfushën./Halit Delibashi-Sport Ekspres/