Shqipëria arriti të fitonte me shifrat 2-0 ndaj Moldavisë me golat e realizuara nga Asani dhe Bajrami. Kështu kuqezinjtë arrijnë të grumbullojnë tre pikë me shumë vlerë dhe mbajnë ende gjallë shpresat për kualifikim. Më poshtë gjeni intervistat e protagonistëve në Supersport:
Nedim Bajrami: “Jam shumë i lumtur për golin e parë me Kombëtaren. Jemi të gjithë aty, po punojmë shumë dhe ndihemi mirë. Me Poloninë luajtëm mirë, na mungoi vetëm goli. Kemi marrë tre pikët sot dhe kemi Ishujt Faroe tani, nuk do të jetë e lehtë. Ky është pozicioni im i preferuar dhe jam i lumtur që shënova”.