Sulmuesi i Barcelonës, Luis Suarez, është tejet i mërzitur për faktin se janë një hap larg humbjes së titullit kampion. Pas 2 hapave fals ndaj Sevijas (0-0) dhe Selta Vigos (2-2), tashmë katalanasit rrezikojnë të gjenden 2 pikë mbrapa Real Madridit, nëse këta të fundit fitojnë ndeshjen përballë Espanjolit.
Diçka jo e mirë po i ndodh Barcelonës në ndeshjet jashtë fushe. Te dyja barazimet e mara nuk janë luajtur në “Kamp Nou”. I pyetur nga gazetarët mbi këtë fakt ai u përgjigj se në fushë përpiqen për më të mirën dhe për këtë duhet të pyesin trajnerin.
” Luajmë vetëm për tre pikët. Në ndeshjet jashtë fushe kemi humbur shumë pikë në këtë sezon në dalllim me vitet e tjera. Megjithatë për këtë duhet të pyesni trajnerin tonë dhe jo mua.”- u shpreh uruguajani. /Sport Ekspres/