“Falënderoj këtë fans të madh të Kukësit. Megjithëse me aq të ftohtë, ai ndihej ngrohtë. Më duhet të takoj ty , dua që të të ofroj fanellën time. Faleminderit”. U tha, u bë.
Rexhinaldo ia kishte premtuar fanellën që pas ndeshjes me Laçin dhe e ka mbajtur fjalën. Madje tifozi special i Kukësit duhet ta mbajë mend, pasi futbollisti nga Mozambiku ia dha fanellën pasi mori kryesimin në listën e golashënuesve.
Sulmuesi i Kukësit realizoi golin e dhjetë dhe lë pas Latif dhe Shkurtajn, madje ky i fundit ishte ai që asistoi për Rexhinaldon në golin që shënoi sot kundër skuadrës së Flamurtarit.
