FIFA ka publikuar renditjen e përmuajshme të kombëtareve dhe ka lajme jo të mira për Shqipërinë.
Kemi zbritur në vendin e 71-të në botë, duke humbur 6 vende nga muaji i shkuar dhe duke u kaluar edhe nga ekipe si Uganda. Natyrisht, kanë ndikuar dy humbjet e fundit ndaj Spanjës e Italisë, edhe pse mbetëm të tretët në grupin tonë.
E para është kthyer Gjermania, perfekte në kualifikuese, ndërsa Brazili ka zbritur i dyti, ndjekur nga Portugalia, që ka kaluar Argjentinën. Buzëqesh edhe Italia, tashmë e 15-ta, dy vende më lart se para një muaji.
Një vend më lart, tani e 183-ta, për Kosovën, që ende nuk ka fitore zyrtare.
