Barcelona fitoi mbrëmë Superkupën e Spanjës dhe ishte një triumf i veçantë për Lionel Mesin. Ylli argjentinas e ngriti trofeun si kapiten, duke u bërë gjithnjë e më lider te blaugranat, ndërkohë që vendosi edhe një rekord të pabesueshëm.
Tashmë Mesi është futbollisti që ka fituar me shumë trofe në historinë e Barcelonës, plot 33 të tilla. “Pleshti” ka lënë pas një tjetër legjendë, Andres Iniestën, i cili ka fituar 32 trofe dhe tashmë luan futboll në kampionatin japonez. Ndërkaq, Pike e Buskets kanë mbërritur në kuotën e 28 trofeve.
? Leo #Messi is crowned the player with the most titles in the history of Barça ?3??3???
??#SupercopaBarça pic.twitter.com/O2f4Jtu3wd
— FC Barcelona (@FCBarcelona) August 12, 2018
Mesi ka fituar 9 herë kampionatin spanjoll, 6 herë Kupën e Mbretit, 8 herë Superkupën, 4 herë Champions League, 3 herë Superkupën e Europës dhe 3 herë Kupën e Botës për klube.
Natyrisht, mungesa e trofeve me Argjentinën ndez debatin nëse Mesi është realisht futbollisti më i mirë në planet, por mund të thuhet pa frikë që është një gjeni, i cili me ndihmën e duhur bën gjëra të pamendueshme për futbollistët e zakonshëm.
3 – Barcelona players with the most trophies:
33 – LIONEL MESSI
32 – Andrés Iniesta
28 – Gerard Piqué/Sergio BusquetsMasia. pic.twitter.com/LrmUlY74xG
— OptaJose (@OptaJose) August 12, 2018