Trajneri Edoardo Reja do të dalë ditën e nesërme në një konferencë për shtyp, ku do të publikojë edhe listën e lojtarëve që do të ketë në dispozicion për ndeshjet e muajit qershor. Por pavarësisht se lista e plotë do të dalë nesër, klubi i Leçes bën me dije se Kastriot Dërmaku do i bashkohet grumbullimit të kuqezinjve, teksa ka marrë ftesën e Edi Rejës.
Shqipëria do të ndeshet me Islandën në 6 qershor dhe me Izraelin në 10 qershor. Dy sfida këto të vlefshme për Ligën e Kombeve. Gjithashtu kuqezinjtë do të zhvillojnë edhe një takim miqësor me Kombëtaren e Estonisë./Halit Delibashi-Sport Ekspres/