Manchester City po përpiqet të përforcojë repartin e mbrojtjes. Guardiola e ka piketuar lojtarin që dëshiron të ketë në urdhërat e tij dhe klubi ka nisur punën për ta sjellë në Manchester. “Qytetarët” ofruan 75 milionë euro për Josko Gvardiolin, por një shumë e tillë nuk mjafton për Leipzig-un.
Klubi gjerman ka refuzuar ofertën dhe sheikëve u duhet të shkundin xhepat për të siguruar kartonin e talentit që shkëlqeu në Kampionatin Botëror me fanellën e Kroacisë. Mësohet se Leipzig-u pranon të negociojë vetëm nëse ofrohen më tepër se 100 milionë euro. Ndërkohë marrëveshja me lojtarin është arritur prej ditësh dhe mbetet të zgjidhet vetëm çështja me klubin gjerman./Sport Ekspres/