Në ditën e sotme kanë zbritur në fushën e blertë dy ekipe që pretendojnë shumë në Superioren e këtij sezoni. Kampionati është i ndërprerë, por Tirana dhe Vllaznia kanë luajtur miqësoret për të pasur nivelin e duhur dhe ritmin fizik. Bardheblutë fituan me shifrat 2-0 ndaj Tërbunit falë golave të Xhixhës dhe Nikqit.
Nga krahu tjetër ka pasur jo pak problem për Vllazninë. Shkodranët nuk kanë dalë dot te goli në ndeshjen miqësore kundër Kastriotit, teksa u ndalën në barazimin pa gola në Loro Borici. /Elio Hajdari-Sport Ekspres/