Reali i Madridit është detyruar të reagojë me urgjencë në lidhje me lajmin se ka ofruar 310 milionë euro për Nejmarin. Klubi madrilen ka mohuar prerë gjithçka.
Televizioni shtetëror spanjoll TVE e publikoi lajmin e bujshëm mbrëmjen e së hënës, duke raportuar se lajmi ishte nga burime mëse të sigurta.
Kjo ka bërë që Reali të postoje një deklaratë për shtyp në faqen e vet zyrtare.
“Reali saktëson se lajmi i publikuar në lidhje me ndonjë ofertë për Nejmarin nuk është i vërtetë. Jemi të befasuar që televizioni publik spanjoll publikon një lajm të tillë pa e konfirmuar askund”.
TVE këmbëngul se burimi është i sigurt, por ka kërkuar falje për rrëmujën e shkaktuar.