Barcelona hyri në El Clasico me nëntë pikë epërsi dhe e vetmja gjë e rëndësishme për katalanasit ishte të mos humbnin, ndërsa Reali ishte nën presion shumë më të madh dhe thjesht duhej të fitonte për t’u rikthyer në garën për titull.
Megjithatë, edhe pse kaloi në epërsi, Reali përfundoi duke humbur 2-1. Madrilenët ende besojnë se arbitrat ishin në favor të Barcelonës, ndaj kanali zyrtar i Realit publikoi një video me disa situata të diskutueshme si dëshmi se ata u dëmtuan në El Clasico. Në video shihet arbitrimi i diskutueshëm i Ricardo de Burgos Bengoetxea dhe Soto Grado nga dhoma VAR në ndeshjen e fundit mes Real Madridit dhe Barcelonës. /Sport Ekspres/