Shembujt e Prishtinës dhe Dritës në Kupat e Europës janë kthyer në leksion për Kosovën. Dardanët këtë herë kanë vendosur të mos u besojnë institucioneve të tyre për testet Covid-19. Përfaqësuesja e Kosovës ka kryer ditën e djeshme tamponët për Koronavirus në Kukës, në laboratorin e licensuar nga vetë UEFA.
Dardanët janë në prag të ndeshjeve në Ligën e Kombeve dhe nuk do të dëshironin një surprizë të pakëndshme me Covid-19, për këtë arsye në ndihmë i vjen Shqipëria. Për fat të mirë Federata e Futbollit të Kosovës ka njoftuar se asnjë prej lojtarëve apo stafit nuk është prekur nga pandemia, duke mos e rrezikuar aspak ndeshjen e ardhshme kundër Moldavisë./Halit Delibashi-Sport Ekspres/