Qetësi para Partizani-Skënderbeu, mediat serbe fokusohen te Crvena Zvezda

Skënderbeu rreth orës 17.00 do të paraqitet në stadiumin Partizan në Beograd, për sfidan ndaj Partizanit. Ndeshje mjaft delikate, për shumë arsye, por në fakt atmosfera është shumë e qetë dhe korçarët kanë kaluar në hotel orët para ndeshjes. Mëngjes, kafe, mbledhje e analizë, drekë, pushim e ndonjë intervistë.

Ndërkohë, në gazetat serbe nuk ka ndonjë vëmendje të jashtëzakonshme për sfidën dhe pasqyrohen konferenca për shtyp e trajnerëve dhe lajmet e fundit nga formacionet.

Vëmendje më të madhe ka marrë Arsenal-Crvena Zvezda, ndërsa nëpër portale ka edhe lajme të ekzagjeruara e bombastike, por pak a shumë thashetheme të marra edhe nga portalet tona, që nuk është se janë shumë profesionale.