Bajerni i Mynihut ka humbur me shifrat 1-2 kundër Borusias së Monshengladbahut mbrëmjen e sotme. Por më tepër se sa rezultati, vëmendjen e ka tërhequr diçka tjetër. Gjiganti gjerman duket se “ka harruar“ emrat e lojtarëve të vetë, teksa Musiala hyn në fushë me fanellën ku shkruhet “Toliso“.
Ky i fundit nuk mund të luante mbrëmjen e sotme për shkak të infektimit me Covid-19, por fanella e tij mbetej mes 11 titullarëve. Vetëm se këtë herë dikush tjetër e mbante veshur. Një gabim qesharak i bërë nga stafi i Bajernit, që është shpërndarë menjëherë në rrjetet sociale./Halit Delibashi-Sport Ekspres/
https://twitter.com/olehmannen/status/1479568455749750787