PSG nuk njeh kundërshtar në Ligue 1, teksa ka mposhtur Reims me rezultatin 0-2. Përkundër lajmeve për kalimin e Mbappes tek Reali, sulmuesi francez tregohet një profesionist i vërtetë në fushën e lojës, duke shënuar dopietë ditën e sotme.
Dy gola në minutën e 16-të dhe të 63-të, mjaftuan që debutimi i Lionel Messit me fanellën e Paris Saint Germain të shkonte në mënyrën më perfekte të mundshme. Argjentinasi u aktivizua në minutën e 65-të, ku zuri vendin e Neymar. Ai do të luajë ndeshjen e parë në Paris pas pushimit të kombëtareve /Elio Hajdari-Sport Ekspres/