Për herë të parë në Champions League, Bayerni do të drejtohet nga Thomas Tuchel, njeriu që së fundmi zëvendësoi Julian Nagelsmann në stolin e kësaj skuadre. Në mbrëmjen e sotme do të nisi edhe testi i së vërtetës pasi përballë tyre do të jetë Manchester City.
Para këtij takimi, Pep Guardiola ishte në konferencën për shtyp duke bërë disa deklarata jo pak interesante në krahasime. “Shikoni lojtarin e golfit Jacak Nicklaus, sa turne të forta luajti në karrierën e tij dhe sa fitoi? Ai luajti 164 dhe fitoi 18. Ai humbi më shumë se sa fitoi. Kështu është në të gjitha sportet,” tha Guardiola si për të justifikuar dështimet e tij në “Champions League” dhe vazhdoi:
“Michael Jordan, për mua, basketbollisti më i mirë i të gjitha kohërave luajti në NBA për 15 vjet dhe fitoi gjashtë kampionate. Ai gjithashtu humbi më shumë se sa fitoi. Është e rëndësishme që ne të bëjmë më të mirën dhe asgjë më shumë”, tha Guardiola duke kërkuar që të shuajë çdo kritikë që i vjen Manchester City sa i përket mungesës së trofeut të Champions League. /Sport Ekspres/