Ilir Daja nuk është më trajneri i Partizanit. Megjithëse mungon vetëm zyrtarizimi i këtij vendimi, është mësuar gjithçka sa i përket të ardhmes. Në stërvitjen e sotme ekipi është drejtuar nga Renaldo Kalari. Por kush do të jetë trajneri i ri i Partizanit? Jasir Asani nuk ka dyshime dhe kërkon vetëm një emër: “Skënder Gega”.
Ky i fundit i riktheu optimizmin skuadrës dhe puna e tij do të kurorëzohej me titullin kampion. “Profesor, ti e di kush është Partizani se i ktheve lavdinë”, është reagimi i Asanit në rrjetet sociale duke kërkuar rikthimin e Gegës. /Sport Ekspres/