Arijanet Muriçi është kthyer përsëri në radhët e Manchester City-t pas përfundinit të huazimit të tij. Por e ardhmja do e gjejë përsëri larg “qytetarëve”, pasi nuk bën pjesë në planet e Guardiolës. David Ornstein bën me dije se gardiani i përfaqësueses së Kosovës ka rënë në radarët e Burnley-t.
Klubi anglez u rendit i 18-i sezonin që shkoi në Premier League dhe edicioni i radhës e gjen në Championship. Një ligë ku synojnë të qendrojnë vetëm një vit, pasi do të provojnë ngjitjen përsëri në elitë. Bisedimet mes palëve kanë nisur, por ende nuk ka asgjë konkrete.
“Burnley po punon për marrëveshjen për të nënshkruar me portierin e Manchester City-t, Arijanet Muriçin. Ende nuk ka marrëveshje, por Burnley ka shprehur interesim që dialogu për lojtarin e përfaqësueses së Kosovës të vazhdojë. Adana Demirspor është gjithashtu e interesuar për 23-vjeçarin pas huazimit sezonin e kaluar”, raporton gazetari i “The Athletic”, David Ornstein./Halit Delibashi-Sport Ekspres/
? Burnley working on deal to sign Man City goalkeeper Arijanet Muric. No agreement yet but #BurnleyFC have expressed interest in Kosovo int’l + dialogue ongoing. Adana Demirspor also keen on 23yo after loan last season @TheAthleticUK #twitterclarets #MCFC https://t.co/QfcVRDDSuR
— David Ornstein (@David_Ornstein) July 1, 2022