“Politika i ka rënë në qafë sportit, vetëm Tirana ka shpëtuar”, Mema ngre zërin: Njerëz të papërgjegjshëm te qeveria

0

Java e ardhshme pritej ta gjente topin sërish në lëvizje, por Qeveria shqiptare vijon të mbajë peng futbollin duke mos dhënë një përgjigje zyrtare në lidhje me kërkesat e paraqitura nga Liga Profesioniste. I ftuar në studion e emisionit “Sport News Plus” në “News 24”, Ardjan Mema ka ngritur zërin për problemet e futbollit në Shqipëri dhe indiferentizmin e treguar nga Qeveritë në lidhje me sportin. Sipas ish-trajnerit të Tiranës, në krye qendrojnë njerëz të papërgjegjshëm që nuk e shohin sportin me perspektivë për të ardhmen.

“Kur dëgjova deklaratën e Dukës, në atë moment u ndjeva mirë, pasi ishte si një dritë jeshile për kampionatin. Unë shikoj njerëz të papërgjegjshëm te qeveria, janë njerëz që nuk të japin përgjigje, qoftë ajo edhe negative. Ky vend nuk mund të vazhdojë dot kështu. Një shtet që e ka lënë 100 mijë njerëz për fushë. Edhe ato pak fusha që ishin, i mori qeveria. Në jemi pjesë e këtij futbolli. Qeveria e ka kaluar në plan të tretë futbollin. Sporti në tërësi zhvillon fëmijët, i bën të shëndetshëm. Një përgjigje me këtë kohëzgjatje.

Në 2019 është bërë një mbledhje, ku Rama i tha më jepni edhe kërkesa të tjera, Nuk ndryshojnë kërkesat rrugës. Presidentët nuk po kalojnë asgjë më shumë se sa ka rajoni. Kosova 10 vjet shtet është. Nuk jemi ne në gjendje të bëjmë gjërat ashtu siç duhet?! Nuk është një faturë që nuk plotësohet dot nga shteti. Këto janë në të mirë të sportit shqiptar. Politika i ka rënë në qafë sportit. Të gjitha klubet janë prishur, vetëm Tirana i ka shpëtuar kësaj. Edhe stadiumet fasada janë për mendimin tim. Një futbollist nuk zhvillohet në stadiume, por në fusha. Qeveria nuk e shikon sportin për brezat që do vijnë. Nuk shikohen gjërat sot për sot.

Shkodra nuk ka paguar sigurime shëndetësore. Nuk është faji i presidentit të ri, që e ka marrë klubin me borxhe. Ne e dimë si janë gjërat në Shqipëri. Shumë presidentë këtu unë i shikoj heronj, pasi kanë mbajtur shumë familje me të ardhura”, është shprehur Mema./Halit Delibashi-Sport Ekspres/

You might also like

Leave A Reply

Your email address will not be published.