Drejtuesit e Interit e duan Lukakun edhe për sezonin e ardhshëm dhe kanë nisur negociatat që dy klubet të gjejnë një mënyrë për të arritur marrëveshjen sa më shpejt të jetë e mundur. Sipas mediave angleze, Pochettino është gati ta lërë Lukakun te Inter.
Trajneri i ri i Chelseat nuk do ta detyrojë sulmuesin të largohet, por nuk ka asgjë kundër që ta lërë te zikaltërit nëse vjen një ofertë që e kënaq. Pochettino nuk dëshiron para nga Interi, por dëshiron shkëmbim direkt me lojtar dhe këtë ua ka thënë përfaqësuesve të këtij klubi. Bëhet fjalë për Nico Barella, lojtari që Pochetino e pëlqen shumë, por duket e vështirë që kjo të ndodh. /Sport Ekspres/