Interi po luan gjithçka në këto javë të fundit të sezonit. Zikaltërit janë në finalen e Kupës së Italisë dhe finalen e Champions League. Megjithatë në kampionat, ekipi i Inzagit nuk e ka mbyllur ende matematikisht kualifikimin për sezonin tjetër në Champions.
Ndeshja e radhës do të jetë ajo kundër Napolit në transfertë. Sipas raportimit të “Sky Sport”, trajneri i Interit do t’i besojë Kristjan Asllanit nga minuta e parë. Ky do të ishte testi i parë i vërtetë për mesfushorin e Kombëtares që zakonisht është hedhur në fushë në ndeshjet e lehta në letër. /Sport Ekspres/