Luis Hasa është një nga lojtarët që po spikat në Kampionatin Europian U19 që është duke u zhvilluar në Maltë. Lojtari shqiptar ka dhënë një kontribut të rëndësishëm për Italinë U19, duke e tërhequr deri në finale.
Në një intervistë të dhënë për “La Gazzetta dello Sport”, mesfushori i Juventusit ka treguar se si e motivoi familja të jepte maksimumin në fushë. Ai ka rrëfyer se babai, nëna dhe vëllai i tij më i madh rezervuan hotelin deri në natën finale, duke i thënë se nëse eliminohej më herët, atëherë nuk do të gjente askënd në shtëpi.
“E ke ti në dorë se çfarë do të bësh tani. Nëse kthesh në shtëpi më herët, nuk do të gjesh askënd”./Halit Delibashi-Sport Ekspres/