Pas largimit të Redon Xhixhës, Florent Hasani ka marrë përsipër Tiranën. Në shumë ndeshje është i vetëm që po arrin të shënojë për të zgjidhur ndeshjen te bardheblutë. Këtë formë të mirë të Hasanit nuk mund ta lërë pa komentuar edhe Redon Xhixha.
Ky i fundit i ka komentuar Hasanit në një postim në Instagram. “Hajde te Qarabag vlla”. Sigurisht, për momentin është ende një batutë, por duke parë formën e mirë të Hasanit, për Tiranën do të jetë shumë e vështirë që ta mbajë në verë këtë lojtar. /Sport Ekspres/
