Barcelona ndodhet në një krizë të madhe financiare. Për të ngushtuar sadopak hendekun e shifrave, katalanasit zgjodhën që ta japin fushën me qera për të organizuar kalçeto dhe së fundmi dasma. Ndërkohë një tjetër lëvizje ka ardhur nga drejtuesit e klubit.
Tani është zyrtare, stadiumi i Barcelonës ka një emër të ri. Partneriteti mes klubit spanjoll dhe platformës më të njohur të transmetimit audio në botë, Spotify, filloi zyrtarisht më 1 korrik. Kështu Camp Nou u riemërua në Spotify Camp Nou. /Sport Ekspres/