Të gjithë kërkojnë Haland! Cmimi i lartë i këtij futbollisti kuptohet nga kërkesa që ka në treg për të dhe performanca e dhënë në fushën e blertë. Ndërkohë CEO i Dortmundit, Hans Joachim Ëatzke, ka treguar për Bild situatën e sulmuesit norvegjez.
“Kudo që shkon, të gjithë flasin për Haland. Gjithçka që di është se Real Madridi është shumë i interesuar për të dhe ata e duan shumë atë. Mund të përmendim të paktën 25 ekipe të tjera që janë të interesuara për të, por ky është një fakt. Bisedova me agjentin e lojtarit Mina Raiola për disa ditë.
Ishte një telefonatë mjaft miqësore dhe patjetër do të flasim përsëri në javët e ardhshme. Fokusi është te zhvillimi i Haaland. Ashtu si Leëandoëski, unë do të jem krenar nëse ai fiton titullin një ditë. Unë mendoj se Haaland do të kërkojë për të qëndruar edhe pak në Bundesligë. Raiola është shumë i zgjuar, ai e di se çfarë po bën”, tha Ëatzke, i cili shpreson që lojtari të argëtojë tifozët e BVB për disa kohë. /Sport Ekspres/