Situata te Barcelona nuk është e qetë edhe pas ndërriimit të trajnerit dhe ardhjes së Setien. Humbja e fundit që morën ndaj Valencias ndikoi për keq te katalanasit dhe nervozizmi u shfaq në stërvitje. Media prestigjoze “AS” shkruan se ka pasur edhe sherr te kjo skuadër përpara ndeshjes që do të kishin në Kupë ndaj Leganesit.
Një finte e bërë në stërvitje, nuk është pritur mirë nga “viktima” që iu bë kjo lëvizje. Megjithëse emrat e lojtarëve nuk publikohen, por lojtarit që iu bë kjo lëvizje, nuk e ka pritur aspak mirë. Ai ka kërkuar llogari me tone të larta se përse shoku i skuadrës përdorte finte ndaj tij kur ishte vetëm një stërvitje.
Më pas do të ishin shokët e skuadrës që do të mundoheshin për të sjellë situatën në vijë. Një incident që ndodh edhe para syve të Rei Manaj, pasi ka qenë në stërvitje me skuadrën gjatë kësaj periudhe, madje do të ishte e para herë për sulmuesin shqiptar që do të grumbullohej nga ekipi i parë. /Sport Ekspres/