Kombëtaret europiane kanë luajtur këtë muaj ndeshjet e tyre të para për kualifikueset e Euro 2024. Tashmë ekipet kombëtare duhet të presin deri në qershor për t’ju rikthyer sërish aksionit në fushën e lojës. Polonia ka gjetur edhe kundërshtarin e radhës pas Shqipërisë. Bardhekuqtë kanë në dispozicion një datë të lirë për të zhvilluar një takim miqësor përpara duelit me Moldavinë.
Ministri i Sportit në Poloni ka zyrtarizuar kundërshtarin me të cilin do të ndeshen në qershor. Kamil Bortniczuk-u ka pohuar në një intervistë me gazetarin Sebastian Staszewski-n në “Interia.pl” se në qershor do të përballen me Gjermaninë në një takim miqësor./Halit Delibashi-Sport Ekspres/