Manchester City ka kaluar në finalen e Champions League dhe do të ketë një tjetër shans për të fituar më në fund trofeun që është e vetmja gjë që i mungon vitrinave të tyre.
Pas ndeshjes në Etihad, Pep Guardiola ishte në qendër të vëmendjes për shkak të fotos që shkaktoi zemërimin e tifozëve të Real Madridit dhe pas një orteku reagimesh, ajo u fshi nga Instagrami, por shumë vonë.
Së bashku me miqtë e tij, Guardiola, ka ngritur katër gishtat në ajër duke aluduar për rezultatin e ndeshjes së mbrëmshme, gjë që nuk i ka pëlqyer tifozëve të Realit dhe e kanë kuptuar si një provokim të madh të trajnerit të Cityt. /Elio Hajdari-Sport Ekspres/