Legjenda Pele e ka shprehur hapur simpatinë që ka për Kilian Mbape. Siç duhet braziliani sheh tek francezi “hijen” e tij, kjo dhe për faktin se shumëkush mund ta ketë nisur që ta krahasojë me të, edhe për faktin se u bë lojtari i dytë që nga koha e tij, që shënon në fazën finale të një Botërori, që në moshën 19-vjeçare dy gola në një ndeshje.
Gjithsesi Pele, ka reaguar sërish, këtë herë dhe me humor, pasi dihet që mosha e tij nuk lejon që ai të lëvizë shumë. Pele është shprehur se nëse do të ndodhte që Mbape të arrinte rekordet e tij ai do të detyrohej që të rikthehej në fushën e blertë, për ta rivalizuar.
“Nëse Mbape vazhdon të arrijë rekordet e mia kaq lehtë, do më duhet që të pastroj pluhurin nga këpucët e mia dhe të filloj të luaj sërish”, përfundon postimi i Pelesë. Normalisht një shaka, pasi më herët braziliani e ka uruar 19-vjeçarin për suksesin e arritur me Francën dhe për titullin si lojtari i ri më i mirë i këtij eventi.
If Kylian keeps equalling my records like this I may have to dust my boots off again… // Se o @KMbappe continuar a igualar os meus records assim, eu vou ter que tirar a poeira das minhas chuteiras novamente…#WorldCupFinal https://t.co/GYWfMxPn7p
— Pelé (@Pele) July 15, 2018