Juventusi duket se nuk heq dorë nga Paulo Dybala dhe ka menduar të vazhdojë zgjatjen e kontratës me argjentinasin. Pas largimit të Cristiano Ronaldos, tashmë e gjithë skuadra është e përqendruar tek numri 10 i skuadrës. Sipas medias italiane “Gazzeta Dello Sport”, bardhezinjtë janë shumë pranë rinovimit me 5 vite të kontratës aktuale të Dybalas.
Megjithatë, në kampin e Juventusit janë të shqetësuar për kushtet fizike të lojtarit. Pavarësisht se ka trajner personal dhe një dietist të shkëlqyer, përsëri Dybala nuk ndodhet në formën më të mirë. Ekspertët nuk përjashtojnë se infektimi me Covid-19 ka ndikuar shumë në organizmin e tij./Elio Hajdari-Sport Ekspres/