Gjergj Stefa ka folur sa i përket derbit dhe ndeshjes mes Tiranës dhe Partizanit, duke parë situatën e dy ekipeve. I ftuar në Skaner që transmetohet në MCN TV, Stefa ka thënë se Orges Shehi nuk e bën gjumin e qetë dhe jo Ilir Daja, pavarësisht renditjes aktuale.
“Partizani është rekord në këto vitet e fundit, pas çdo derbi të humbur, shkarkohet trajneri. Kjo është për statistikë pasi nuk ndodh me Dajën. Asnjëri prej trajnerëve nuk ka lidhje organike me ekipet që drejton.
Në fund Shehi ësht? trajner i ri dhe nuk e ka fituar një derbi. Nuk e bën gjumin e qetë para ndeshjes. Daja, sido që të shkojë, ka të shkuarën që flet për të dhe të ardhmen e garantuar, është i qetë. Renditja? Jemi vetëm në fillim, pikët aty janë”, tha Stefa. /Sport Ekspres/