Partizani ka filluar që të piketojë lojtarët që do të marrë në merkaton e janarit. Tanimë nën drejtimin e Orges Shehit, të kuqtë po kërkojnë elementet e nevojshëm për të arritur në fitimin e titullit kampion. Sipas asaj që raporton “Gazeta Blic”, Partizani është shumë pranë transferimit të Redon Ismailit.
Mesfushori i Kosovës U-21 konsiderohet si një nga talentet më të mëdhenj, ndërsa së fundmi ka qenë pjesë e Gjilanit. Me përfundimin e kontratës, Ismaili vendosi që të largohet nga skuadra dhe për këtë arsye është lojtar i lirë. Partizani, Dinamo dhe Shkëndija ishin pas tij, por sipas të gjitha gjasave, Ismaili do të përfundojë te Partizani. /Sport Ekspres/