Pronari i Milanit, Jonghong Li, ka siguruar se do të depozitojë 32 milionë euro në arkat e klubit kuqezi, por deri pasditen e djeshme nuk kishte mbërritur asnjë dokument në zyrat e klubit.
La Repubblica shkruan se do të ketë sërish vonesa në pagesa dhe situata nuk është aspak e qetë. Sinjalet nuk janë të mira edhe për faktin se në horizont është vendimi i UEFA-s, që mund të lërë Milanin pa Europë.
Ndërkaq, fondi i investimeve Elliott ka lënë kohë deri më 28 qershor, ndërsa më pas nëse nuk paguhet borxhi i radhës, me shumë gjasa Milani do të ndryshojë pronar.