Trajneri i kombëtares shqiptare, Kristiano Panuçi, ka zyrtarizuar sot listën e tij të parë si trajner i Shqipërisë, për ndeshjet eleminatore,më 2 shtator në Elbasan me Lihtenshtejnin dhe më 5 shtator në Strumica me Maqedoninë.
Panuçi ka thërritur edhe lojtarë që në skuadrën përfaqësuese vijnë për herë të parë, me Balliun, Memollën dhe Ahmedin që janë prurjet e reja në krahasim me epokën De Biazi.
Pjesa tjetër e skuadrës nuk ka ndyshime, por nuk është më Naser Aliji, i cili nuk po luan fare në Kaizerslautern. Mungojnë edhe Bekim Balaj, i dëmtuar, dhe Ergys Kaçe, i cili gjithashtu nuk po luan te PAOK.
Gjithashtu, nuk ka grumbullim as për Taulant Xhakën, natyrisht, pas ngjarjes në Bazel, ku mesfushori nuk u takua me trajnerin.
