Trajneri i Kukësit, Peter Pakult, ka mbetur mjaft i zhgënjyer nga loja e Kukësit, pavarësisht nga fitorja në Kamzë. Lojë e dobët, vuajtje në 90 minuta, hapa pas në krahasim me atë që ka ndërtuar trajneri austriak këto muajt e fundit.
“Fati ndihmoi Kukësin? Pa dyshim që gjatë 90 minutave Kamza ishte ekipi më i mirë, dominoi. Ne shënuam golin në fillim, ndërsa më pas nuk e di, nuk jam aspak i kënaqur.
“Pikët? Po, ato janë OK, por ndeshja e sotme nuk ishte në vazhdimësi të ndeshjeve që kemi luajtur që prej janarit, duhet të luajmë ndryshe.
“Difekti? Munguan pasimet e sakta, nuk kishte qetësi në lojë. Nuk është ekipi që dua unë, shpresoj që në ndeshjet e ardhshme të ndryshojmë, sepse e kemi cilësinë për të luajtur më mirë”.