Diego Armando Maradona ka ndërruar jetë në 25 nëntor dhe lajmi i ardhur fillimisht nga mediat në Argjentinë ka prekur gjithë botën e futbollit pasi flitej për një legjendë, që do të mbetet në memorie për breza me radhë.
Megjithatë një problem i vazhdueshëm për Maradonën ka qenë tejkalimi i normave dhe shfrenimi me alkolin dhe drogën. Së fundmi mediat në Argjentinë kanë publikuar një video skandaloze, e cila thuhet se është bërë vetëm pak ditë përpara se të ndërronte jetë.
Megjithëse ishte duke u kuruar, Maradona gjendej në tavolinë duke pirë alkol, cigare dhe pilula. Për më tepër së bashku me të, po në të njëjtën mënyrë po e shoqëronte edhe Mariano Castro, mjeku i cili ishte një njeri i afërt me Maradonën. /Sport Ekspres/