Covid-19 nuk i ndahet familjes Toti. Pak ditë më parë babai i ish-kapitenit të Romës, Enzo Toti, humbi betejën me Koronavirusin duke u ndarë nga jeta në moshën 76-vjeçare. Një moment i përjetuar keq ky për Françesko Totin, i cili do të reagonte me një letër prekëse të shpërndarë në rrjetin e tij social në “Instagram”.
Por pa kaluar shumë është vetë legjenda e skuadrës së Romës që infektohet nga virusi famëkeq. Ish-lojtari i Kombëtares së Italisë ka ndjerë disa simptoma si temperaturë dhe humbje fuqie, prandaj ka vendosur t’i nënshtrohet testimit për Covid-19. Tamponi rezultoi pozitiv dhe së bashku me bashkëshorten e tij. po ashtu pozitive për Koronavirus, janë izoluar në banesën e tyre në kryeqytetin italian./Halit Delibashi-Sport Ekspres/