Një ofertë e çmendur ka mbërritur në adresën e Zhoze Murinjos. Portugezi ka marrë propozimin për t’u bërë trajneri i Kombëtares së Arabisë Saudite. Arabët po përpiqen të tundojnë kreun e pankinës së Romës me milionat e tyre.
“Corriere dello Sport“ raporton se Murinjos i janë ofruar 120 milionë euro për dy sezone. Një shifër e tillë do e kthente “special one”-in në trajnerin më të paguar në botë. Por duket se Murinjo dëshiron të vazhdojë ende karrierën në Europë, megjithëse milionat nga Arabia mbeten mjaft tunduese për të./Halit Delibashi-Sport Ekspres/