Napoli e mbylli me festë këtë sezon, që ka qenë i jashtëzakonshëm për të. Të kaltrit janë kurorëzuar kampionë të Italisë pas plot 33 viteve, duke sjellë një lumturië të pamasë për tifozët. Por De Laurentisi nuk ndalet vetëm me titullin kampion.
Presidenti i Napolit e bëri të ditur pas fitimit të “Scudetto”-s se objektivi i radhës për klubin e tij do të jetë Champions League. Një mision mjaft i vështirë për të kaltrit, që duhet të mposhtin një konkurencë mjaft të madhe për të marrë në duar trofeun. Por De Laurentisi e ka në mendje njeriun që mund të përmbushë dëshirën e tij të madhe.
“Corriere della Sera” ka raportuar se presidenti i Napolit ëndërron të ketë në krye të pankinës Jurgen Klopp-in. Strategu gjerman ka treguar se di të garojë për trofe madhorë edhe me ekipe ku mungojnë miliardat./Halit Delibashi-Sport Ekspres/