Marrëdhënia mes Ronaldos dhe trajnerit të ri nuk është më e mira e mundshme. Ten Hagu e ka ulur në stol portugezin mbrëmjen e sotme. Unitedi luajti një ndeshje mjaft të rëndësishme kundër Tottenham-it, por 5 herë fituesit të Topit të Artë i është dashur ta ndjekë nga pankina.
Stoli nuk është diçka që një ego si e 37-vjeçarit mund ta përtypë lehtë. Prandaj, Ronaldo ka vendosur të largohet përpara kohe drejt dhomave të zhveshjes. Pavarësisht se ekipi i tij ishte duke fituar 2-0, sulmuesi portugez nuk ka pritur vërshëllimën përfundimtare, teksa në minutën e 89 i drejtohet i zhgënjyer tunelit për në dhomat e zhveshjes./Halit Delibashi-Sport Ekspres/