Legia e Varshavës po kthehet në një vatër të futbollistëve shqiptarë. Pas Muçit në ekip u bashkua edhe Çelhaka, por polakët nuk ndalen vetëm me dy nga talentet më të mëdha që ka prodhuar akademia e Tiranës. Gazetari kroat, Izak Ante Susic, bën me dije se kampionët e Polonisë janë pranë firmës me Lirim Kastratin.
Ky i fundit është pjesë e Dinamos së Zagrebit, por mund të huazohet deri në fund të sezonit te Legia e Varshavës. Çmimi që kërkon gjiganti kroat duket i lartë për ekipin polak, që po vijon bisedimet për të arritur një marrëveshje për huazimin e Kastratit./Halit Delibashi-Sport Ekspres/