Kosova arriti triumfin e parë pas 1 viti mjaft problematik, ku djemtë e Challandes nuk kishin arritur të regjistronin një fitore. Dardanët mposhtën 1-0 Moldavinë duke u renditur kështu në vendin e tretë, që i mundëson qëndrimin në Ligën C. Goli u shënua nga Kastrati në minutën e 31-të takimit, i cili rezultoi të ishte mjaftueshëm për të dalë të kënaqur nga stadiumi “Fadil Vokrri”.
Pas gëzimit të tri pikëve, sulmuesi kryesor i dardanëve, Vedat Muriqi ka marë dhe një lajm tjetër fantastik nga spitali. 26 vjeçari do të bëhet baba për herë të dytë në jetën e tij. Lajmin e ka bërë të ditur nusja e tij Edibe Muriqi, e cila ka publikuar një foto të vajzës në Instagram, por nuk ka bërë të ditur emrin e saj. /Sport Ekspres/