Nuk luan dot 90 minuta! Ky ishte dyshimi i vetëm mbi Armando Brojën që është ngritur jo vetëm nga Reja, por edhe trajneri i Southampton, Hasenhutl. Megjithatë sulmuesi shqiptar tregoi krejtësisht të kundërtën në sfidën me Leeds. Në 45 minutat e para do të rezultonte lojtari më i rrezikshëm për mbrojtjen kundërshtare. Ndërkohë goli do të vinte në të dytën pas pasimit të Redmond, atje ku Broja nuk mund të gabonte për të tundur rrjetën për herë të parë në Premier League.
Statistikat janë shumë impresionuese teksa sulmuesi 19-vjeçar ka fituar 9 duele, ka dhënë një pasim kyç që mund të kthehej në gol dhe i kanë dy driblime “alla Broja” ku ia del i vetëm me të gjithë rivalët për t’i kaluar ata. E ardhmja jonë është në duart të sigurta. /Sport Ekspres/