Reali i Madridit arriti që të fitonte titullin e La Ligas duke mposhtur konkurrencën e Barcelonës. Një gëzim i dyfishtë te madrilenët pasi këtë herë nuk kishin në organikën e tyre Kristiano Ronaldon duke thyer mitin se portugezi ishte gjithçka për ta.
I këtij mendimi ishte edhe Luka Modriç që në një intervistë për mediat në Kroaci, mes vlerësimeve për yllin e futbollit botëror, nuk mungon edhe thumbimi. “Ronaldo është nga më të mirët në historinë e këtij ekipi dhe të vjen të qeshësh me ata që e vënë në dyshim. Por ne nuk kemi pasur dyshime se do të fitonim edhe pa atë, pasi skuadra është mbi individin”, u shpreh Modriç. /Sport Ekspres/